თბილისის მერსედეს-ბენც მოდის კვირეული, ადგილობრივ ქართულ მოდაში, ყველაზე მნიშვნელოვანი მოდური ღონისძიებაა, რომელიც კოვიდ-პანდემიის შემდგომ, მხოლოდ ორჯერ და ისიც ციფრულ ფორმატში ჩატარდა. ახალი სეზონი, როგორც ამ ღონისძიების ორგანიზატორებისათვის, ისე ქართულ მოდასა და სილამაზის ინდუსტრიებში მოღვაწე ადამიანებისთვის, განსაკუთრებული იყო. პირველი კვირეული პოსტ-პანდემიურ რეალობაში, თითქმის სამწლიანი პაუზის შემდეგ, 4-8 მაისს, წარმატებული გამოდგა, რაშიც აღსანიშნი როლი ითამაშა კოსმეტიკურმა ბრენდმა KIKO Milano-მ.
მოგეხსენებათ, რომ KIKO Milano 1997 წელს დაარსდა და გასული ორი ათწლეულის განმავლობაში, ხარისხისადმი ერთგულებით, იტალიის N1 კოსმეტიკურ ბრენდად ქცევა შეძლო. 2023 წლის შემოდგომა/ზამთრის სეზონზე, ეს ყველასთვის საყვარელი კოსმეტიკური ბრენდი თბილისის მერსედეს-ბენც მოდის კვირეულის ერთ-ერთი საერთაშორისო პარტნიორის ამპლუაშიც მოგვევლინა. ამ გზით, „კიკო მილანოსა“ და მაღალი მოდის ინდუსტრიას შორის კავშირი კიდევ უფრო გაძლიერდა.
სიახლეს არავისთვის წარმოადგენს თუ რამხელა როლი აქვს სწორად შერჩეულ ვიზაჟს მოდის ჩვენებების ვიზუალურ იერსახეში. რამდენადაც ორიგინალური და ოსტატურად შესრულებულიც არ უნდა იყოს ქსოვილები და ზოგადად კოლექცია, შოუს და დიზაინერების ხედვის სრულყოფა პროფესიონალი ვიზაჟისტების ჩართულობისა და მაღალი ხარისხის კოსმეტიკური პროდუქციის გამოყენების გარეშე, თითქმის წარმოუდგენელია. თბილისის მერსედეს-ბენც მოდის კვირეულზე, Makeup Institute Georgia-სთან თანამშრომლობით, რომელსაც კრისტინა რეჯინის ხელმძღვანელობდა, შემდეგ ჩვენებებზე: Keburia, Tako Mekvabidze, Irma De Flore, ვიზაჟი სრულად „კიკო მილანოს“ პროდუქციით შესრულდა.
მნიშვნელოვანია ხაზგასმა იმისა, რომ ყველა ზემოხსენებული დიზაინერი და ბრენდი განსხვავებული ხელწერითა და ესთეტიკით გამოირჩევა. მათ ჩვენებებზე წარმოდგენილი მაკიაჟიც ერთმანეთისგან განსხვავებულ ვიზუალურ ინტერპრეტაციას ქმნიდა. შესაბამისად, სტანდარტი, რომელიც იმ პროდუქციამ უნდა დააკმაყოფილოს, რომელიც მსგავსი მასშტაბის ღონისძიებას სჭირდება, საკმაოდ მაღალია. ნანახმა კიდევ ერთხელ დაგვარწმუნა, რომ KIKO Milano ნამდვილად აკმაყოფილებს იმ სტანდარტებს, რაც მაღალი მოდის ჩვენებების მაკიაჟის შექმნას სჭირდება.
დასკვნის სახით, შეიძლება ითქვას, რომ თბილისის მერსედეს-ბენც მოდის კვირეეულსა და KIKO Milano-ს თანამშრომლობა წარმატებით დაიწყო, რაც მათი სამომავლო პარტნიორობის მიმართ კიდევ უფრო დიდ ინტერესს აჩენს.
