ქალაქ მუმბაიში ფრანგული მოდის სახლის მაღაზია გაიხსნა. 12 მილიონზე მეტი მაცხოვრებლით, მუმბაი მსოფლიოში ერთ-ერთი ყველაზე დიდი, ხოლო ინდოეთის ყველაზე მჭიდროს დასახლებული ქალაქია. Balenciaga-ს მაღაზიას მუმბაიში Jio World Plaza-ში ნახავთ, სადაც წარმოდგენილი იქნება, როგორც ქალის, აგრეთვე მამაკაცის ტანსაცმლი, ფეხსაცმელი და აქსესუარები, მათ შორის ჩანთები და სამკაულები.
Jio World Plaza ერთ-ერთი ყველაზე სწრაფად განვითარებადი საშოპინგო სივრცეა ინდოეთში. Balenciaga-სთან ერთად, ლოკაცია თავს უყრის ისეთ ბრენდებს, როგორებიცაა: Burberry, Bottega Veneta, Louis Vuitton, Dior, Jimmy Choo და ა.შ.
რაც შეეხება Balenciaga-ს, სიახლე იმის შესახებ, რომ ბრენდი იდნოეთის ბაზარზე აპირებდა შესვლას, გასულ წელს გავრცელდა. 2022 წლის აგვისტოში, Reliance Brands Limited-მა განაცხადა, რომ ფრანგულ ბრენდთან შეთანხმება მიღწეული იყო და ძალიან მალე, ბალენსიაგას კოლექციები ინდოეთშიც გაიყიდებოდა. ცნობილია, რომ ხანგრძლივი კონტრაქტი მოიცავს ერთ პუნქტს, რომლის მიხედვით, RBL ინდოეთში ბალენსიაგას ერთადერთი ოფიციალური პარტნიორი იქნება.
Reliance Brands Limited 2007 წელს დაარსდა და დღეისათვის ინდოეთში 821-ზე მეტი ფიზიკური მაღაზიითაა წარმოდგენილი.
ბალენსიაგა Kering-ის მეორე ბრენდი გახდება, რომელიც ინდოეთში სწორედ RBL-თან თანამშრომლობით გაიყიდება, პირველი Bottega Venetta გახლავთ.
