ახალი კინო ნამუშევრის, Bullet Train-ის პრემიერაზე ბრედ პიტის ყავისფერ კაბაში ხილვამ ინტერნეტის აღფრთოვანება გამოიწვია.
აღსანიშნავია, რომ შარშან, პირველად მოდის ისტორიაში, კაცებისთვის ყველაზე სასურველი პროდუქტების ათეულში კაბაც მოხვდა. Lyst Index-ის შემაჯამებელი რეპორტიდან ვიგებდით, რომ თომ ბრაუნის კაბა იმ სამოსსა და აქსესუარებს შორის იყო, რომლებიც კაცებს 2021 წელს განსაკუთრებით სურდათ.
სიახლეს წინ უძღოდა ვოგის ისტორიული გარეკანიც, რომელსაც ბრიტანელი მუსიკოსი ჰარი სტაილსი გუჩის კაბაში ამშვენებდა. „როდესაც საკუთარ ცხოვრებაში ბარიერებს აგებ, უბრალოდ საკუთარ თავს ზღუდავ.“ – ამბობდა სტაილსი ვოგთან ინტერვიუში.
მამაკაცები კაბით მოდაში ახალი ცნება ნამდვილად არ არის, თუმცა ცხადია, რომ ახლა ისე როგორც არასდროს, ტრენდმა პრაქტიკული დატვირთვაც შეიძინა.
