გუშინ ინდოელი ვარსკვლავი, პრიანკა ჩოპრა ქმართან, ნიკ ჯონასთან, სოფი ტერნერთან და ჯო ჯონასთან ერთად ნიუ-იორკში დააფიქსირეს. პრიანკა პაპარაცების წინაშე ქართველი დიზაინერის, აკა ნანიტაშვილის იასამნისფერი კაბით გამოჩნდა, რომელიც აკა ნანიტას 2019 წლის გაზაფხული/ზაფხულის კოლექციიდანაა. პრიანკა ქართველი დიზაინერის სამოსით 1 თვის წინაც გამოჩნდა, როდესაც მას ლელა ელოშვილის ბრენდი ელოში ეცვა.
ლუქი პოდიუმიდან
Nowfashion.com
ყველაზე ახალგაზრდა “selfmade” მილიარდერმა და ინფლუენსერმა კაილი ჯენერმა არჩევანი დეივიდ კომაზე შეაჩერა. მას ღია წითელი ტოპი და იმავე ფერის ტყავის შარვალი აცვია. ლუქი კომახიძის 2019 წლის შემოდგომა/ზამთრის კოლექციიდანაა.
ლუქი პოდიუმიდან
FILIPPO FIOR / GORUNWAY.COM
ქართველი დიზაინერების სამოსი მოირგო დოუცენ კრუსმაც. ჰოლანდიელი ტოპ მოდელი ნიუ-იორკში თამუნა ინგოროყვას სამოსში გამოჩნდა, ფეხზე კი დემნა გვასალიას ბალენსიაგასთვის შექმნილი თეთრი მაღალქუსლიანი ფეხსაცმელი აცვია. დოუცენის სტილისტი ქეთევან გვარამაძეა.
