Mugler შემოდგომა/ზამთარი 2021

ქეისი ქედუალადერი არ ქმნის სამოსს, რომელიც სხეულის ფორმებს ნიღბავს. პირიქით, მისი ნამუშევრებით ისინი იკვეთება, თუმცა არა ვულგარულად და კიდევ უფრო მიმზიდველი ხდება. ამერიკელი დიზაინერი არც ისეთ სრულყოფილებას ეტრფის, როგორსაც ფართო მასები ახასიათებენ. მას გაცნობიერებული აქვს, რომ ყველას სხეული ერთმანეთისგან განსხვავდება და ეს მშვენიერია. თვლის, რომ თუ ქალს რაიმეს ჩაცმა სურს და მასში თავს კარგად გრძნობს, უნდა ჩაიცვას. თანამედროვეობა არჩევანის გაკეთების საშუალებას გვაძლევს და ქეისის Mugler-იც ამას მოიაზრებს. ის შემოქმედების ცენტრში აყენებს პიროვნებას, ინდივიდს და მას სთავაზობს ტანისამოსს, რომელიც მანამდე შესაძლოა მხოლოდ გარკვეულ ჩარჩოებში მოქცეული ადამიანისთვის ყოფილიყო მისაღები. მოდის სახლის ახალი კოლექციიდან ეს ძალიან კარგად ჩანს.

ქასთი, რომელიც Mugler-ის 2021 წლის შემოდგომა/ზამთრის კოლექციას წარმოგვიდგენს, მრავალფეროვანი და ორგანულია. Torso Solutions-ის ვიდეოს ყურებისას ისინი თავიანთი ენერგიით, თავდაჯერებულობითა და ინდივიდუალიზმით ახდენენ მაყურებელზე შთაბეჭდილებას.

კატალოგისთვის ფოტოები ქართველმა ფოტოგრაფმა დავით გიორგაძემ გადაიღო.

Mugler შემოდგომა/ზამთარი 2021