კიმ კარდაშიანი ტელეარხ FX-ის ცნობილ სერიალში, American Horror Story-ში ერთ-ერთ როლს შეასრულებს. კარდაშიანმა ინსტაგრამზე სერიალის ახალი სეზონის თიზერი გამოაქვეყნა და დააანონსა, რომ ცნობილ შოუში ის და ემა რობერტსი მიიღებენ მონაწილეობას. გავრცელებულ თიზერში მსახიობები არ ჩანან, თუმცა, ვიდეოში მათი სახელების აღმნიშვნელ წარწერებს ვხედავთ. აღსანიშნავია, რომ იგივე ვიდეო სერიალის შემქმნელის, ბრაიან მერფის კომპანიის – Ryan Murphy Productions-ის ინსტაგრამის ოფიციალურ ანგარიშზეც აიტვირთა.
The Hollywood Reporter-ის პლატფორმაზე გამოქვეყნებულ განცხადებაში მერფიმ პროექტში კარდაშიანის ჩართულობაზე კომენტარიც გააკეთა. როგორც ცნობილმა პროდიუსერმა აღნიშნა, კიმ კარდაშიანი ჩვენი დროის ყველაზე დიდი სატელევიზიო ვარსკვლავია და მისი სამსახიობო გუნდში ხილვით აღფრთოვანება გამოთქვა.
როგორც გამოცემა The Hollywood Reporter აღნიშნავს, კიმ კარდაშიანსა და ბრაიან მერფის ერთმანეთთან მეგობრობა აკავშირებთ.
გავრცელებული თიზერის მიხედვით, American Horror Story-ის მე-12 სეზონი 2023 წლის ზაფხულში გამოვა.
