ავტორებისგანდიზაინერებიმსოფლიოსტატისტიკასხვა

7 წიგნი Fashionholicებისთვის

COURTESY, DESIGN BY BETSY FARRELL.
Fashionholics Online

1)სახელწოდება: The End of Fashion
ავტორი: Teri Agins
გამოცემის წელი: 2000
ტერი აგინსმა წიგნი თითქმის 2 დეკადის წინ გამოაქვეყნა,მაგრამ დღეს უფრო აქტუალურია, ვიდრე 18 წლის წინ. როგორ შეცვალა მარკეტინგმა მაღალი მოდა, როგორ ჩაანაცვლეს კარგმა ბიზნესმენებმა კარგი შემოქმედები (კუტიურიეები) და როგორ იქცა მაღალი მოდა მარკეტინგის და ფულის შოვნის ერთ-ერთ ყველაზე ძლიერ მანქანად. ჩამონათვლის ამ წიგნით დაწყება მოდაში მომენტის მდგომარეობიდან გამომდინარეობს.

2)სახელწოდება: The Beautiful Fall: Fashion, Genius and Glorious Excess in 1970s Paris
ავტორი: Alicia Drake
გამოცემის წელი: 2006
70-იანების მოდა, პარიზი და დიზაინერები მოდის ისტორიის უმნიშვნელოვანეს თავს წარმოადგენენ. მიუხედავად იმისა,რომ წიგნმა გამოცემისთანავე ძალიან დიდი ხმაური გამოიწვია, რადგან ისეთ თემებს ეხებოდა, რომლებსაც წლები ტაბუ ედო, 12 წლის შემდეგ, ალისია დრეიკის ნაშრომი კვლავ არ კარგავს აქტუალობას. როგორ გაიყო ფრანგული მოდა ორ ბანაკად? კარლ ლაგერფელი და ივ სან ლორანი. წიგნი 2 გენიოსის შესახებ. წიგნი, რომლის გამოც კარლ ლაგერფელდმა ალისია დრეიკს სასამართლოში უჩივლა.

3) სახელწოდება: Champagne Supernovas
ავტორი: Maureen Callahan
გამოცემის წელი: 2014
წიგნი მოდის ინდუსტრიის 3 საკულტო ფიგურაზე,რომლებიც საუკეთესოდ წარმოაჩენენ 90-იანების ესთეტიკას, მეამბოხე პიროვნებების მეინსტრიმად ქცევას, როკ კულტურას, მოდის გარდაქმნას. ალექსანდრ მაკქუინი,ქეით მოსი და მარკ ჯეიკობსი. 3 ერთი შეხედვით უდარდელი, მეამბოხე, საინტერესო, საკამათო, გართობის მოყვარული პიროვნების ისტორიით წარმოჩენილი 90-იანები. წიგნი ნათლად ხატავს საერთო სურათს, როგორი იყო მოდა და კულტურა მაშინ, როცა მოდაში ახალი მეამბოხე ბავშვები გამოჩნდნენ და რაღაც სამუდამოდ შეცვალეს.

4)სახელწოდება: The Little Dictionary of Fashion
ავტორი: Christian Dior
გამოცემის წელი: 1954
იშვიათი და განსაკუთრებული წიგნი, რომელსაც გრძელი წარდგენა არ სჭირდება. მოდა და სტილი მოდის ერთ-ერთი ორიგინალი შემქნელისგან. წიგნი, რომელიც კრისტიან დიორმა დაწერა. დიორის ენით გადმოცემული მოდის ლექსიკონი.

5) სახელწოდება: Gods and Kings: The Rise and Fall of Alexander McQueen and John Galliano
ავტორი: Dana Thomas
გამოცემის წელი: 2015
ჯონ გალიანოს და ალექსანდრ მაკქუინის ცხოვრებით გადმოცემული ამბავი წნეხზე, რომელსაც დიდების მწვერვალზე მყოფი დიზაინერები განიცდიან. ისინი იყვნენ ინგლისელი ბიჭები საშუალო ფენის ოჯახებიდან, რომლებიც საკუთარი ჩვენებებით მილიონობით ადამიანს ამუნჯებდნენ,შთააგონებდნენ, აოცებდნენ. დიდება, დაცემა და ყველაფერი მათ შორის. როგორ იმსხვერპლა მოდამ თანამედროვე სამყაროს 2 ყველაზე განიალური დიზაინერი. წიგნი მოდის ინდუსტრიის 2 ყველაზე დიდებულ შოუ-მეიქერზე.

6) სახელწოდება: In Fashion
ავტორი: Annemarie Iverson
გამოცემის წელი: 2010
პრაქტიკული სახელმძღვანელო მათთვის, ვისაც მოდის ინდუსტრიაში დასაქმება სურს. მოდა ვიზუალური ინდუსტრიაა, რომელიც საზოგადოების უმრავლესობისთვის პრიალა ჟურნალებთან, ლამაზ კაბებთან და ქალბატონებთან ასოცირდება, თუმცა ისტორიის მეორე მხარე განსხვავებულია იმისგან, რასაც ვოგის ფოტოებზე ვხედავთ. რეალურად რას ნიშნავს იყო დასაქმებული მოდის ბიზნესში, წიგნის ავტორი 20 წლიანი გამოცდილების შემდეგ გვიზიარებს საიდუმლოებს, რომლებიც უნდა გავითვალისწინოთ,თუ გვინდა მოდის ტრილიონიან ბიზნესში დიდი ხნით დავსაქმდეთ.

7) სახელწოდება: The Devil Wears
ავტორი: Lauren Weisberger
გამოცემის წელი: 2003
ბესთ-სელერი,რომლის ეკრანიზაციამ იმდენად დიდი ყურადღება მიიქცია,რომ ამ წიგნს წარდგენა არ სჭირდება. ეშმაკი ატარებს პრადას სხვა პროფესიის ადამიანებისთვის უბრალოდ გასართობი და კარგი წასაკითხი წიგნია, თუმცა მასში აღწერილი სიუჟეტები მოდის ინდუსტრიაში დასაქმებული ადამიანებისთვის ყოველდღიური რეალობაა, რომელთან გამკლავებაც უწევთ.