2024 წლის 10 მარტს გასული წლის საუკეთესო კინო ნამუშევრები გამოვლინდა – ამერიკის კინო აკადემიამ ოსკარის დაჯილდოების ცერემონია ამჯერადაც Dolby Theater-ში გამართა. ცერემონიას ტრადიციისამებრ წინ უძღოდა წითელი ხალიჩა, რომელზეც არაერთი გამორჩეული ლუქი ვიხილეთ.
რაც შეეხება დაჯილდოების ნაწილს, როგორც მოსალოდნელი იყო, 2024 წლის ოსკარის ტრიუმფატორი Oppenheimer გახდა. ნამუშევარმა გაიმარჯვა საუკეთესო ფილმის კატეგორიაში, კრისტოფერ ნოლანმა კი ოსკარი საუკეთესო რეჟისორის ნომინაციაში მიიღო. ასევე როგორც კინოკრიტიკოსები ვარაუდობდნენ, Oppenheimer-ისათვის კილიან მერფის ოსკარი გადაეცა მთავარი როლის შემსრულებელი საუკეთესო მსახიობი კაცის ნომინაციაში.
გამორჩეული იყო საუკეთესო ქალი მსახიობის ნომინაციაც, რომელშიც ემა სტოუნმა გაიმარჯვა. მსახიობს ოსკარი გადაეცა იორგოს ლანთიმოსის ფილმში – Poor Things მთავარი როლის შესრულებისათვის. Poor Things-ისათვის მიღებული ჯილდო სტოუნისათვის მეორე ოსკარია. ამერიკის კონო აკადემიამ მსახიობს პირველად ჯილდო 2018 წელს, ფილმ La La Land-ში შესრულებული მთავარი როლისათვის გადასცა.
აღსანიშნავია, რომ Poor Things გამარჯვებული ასევე გახდა ნომონაციაში – კოსტიუმების საუკეთესო დიზაინი.
2024 წლის ოსკარის დაჯილდოების ერთ-ერთი მთავარი გმირი გახდა ბილი აილიში, რომელმაც თავის ძმასთან ერთად ფილმ Barbie-ის სიმღერისათვის ოსკარი მიიღო. ეს გამარჯვება ისტორიული მნიშვნელობისაც არის, რამდენადაც 22 წლის ასაკში ბილი აილიში გახდა ყველაზე ახალგაზრდა ადამიანი, ვინც ოსკარი ორჯერ მიიღო.
გამარჯვბულების სრული სია იხილეთ ბმულზე.
