თუ სექტემბრის დასაწყისში მეტყოდით, რომ 2020 წლის გაზაფხული/ზაფხულის სეზონზე ორი ან მეტი ბრენდის კოლაბორაცია ერთ-ერთ ყველაზე საუკეთესო მოდურ მომენტს შექმნიდა, გიპასუხებდით, რომ დიზაინერებს და ვარსკვლავებს შორის თანამშრომლობა კომერციულად ძალიან წარმატებულია, საინტერესო არჩევანსაც გვთავაზობს, თუმცა მაღალი მოდისთვის მნიშვნელოვან ნამუშევარს არ უნდა ველოდოთ, თითქმის შეუძლებელია. დღეს შეუძლებელი მოხდა.

დრის ვან ნოტენი, ეს სახელი და გვარი დამოუკიდებლადაც ბევრის მთქმელია, თუმცა დრის ვან ნოტენი ერთიანდება კრისტიან ლაკრუასთან შესაძლოა იყოს ბოლო სეზონების ერთადერთი კოლაბორაცია, რომელიც უფრო მეტია, ვიდრე კარგად გაყიდული პროდუქტი და რამდენიმე თვიანი ხმაური Hypebeast-ზე.

დაახლოებით 2 საათის წინ, პარიზის მოდის კვირეულზე, ლეგენდარულმა ბელგიელმა დიზაინერმა სტუმრებს ახალი კოლექცია წარუდგინა, რომელიც ფრანგ კუტიურიესთან, კრისტიან ლაკრუასთან ერთად შექმნა.

მიუხედავად იმისა, რომ ლაკრუას სახელი ივ სან ლორანის, კრისტობალ ბალენსიაგას, კრისტიან დიორის და კუტიურიების პირველი თაობის სხვა ლეგენდარული წარმომადგენლების გვერდით ნაკლებად ცნობილი და აღიარებულია, არავინ დაობს მის ბრწყინვალე ნიჭზე და გავლენაზე, რომელიც ახალ თაობაზე აქვს. სწორედ ლაკრუას ბრენდის მემკვიდრეობა, ხშირად ზედმეტად გადატვირთული ფორმების, ფერების ზეიმი შეიმჩნევა ალესანდრო მიკელეს გუჩის კოლექციებში და თანამედროვე ოტ კუტიურის ყველაზე დაფასებული დიზაინერის, ვალენტინოს შემოქმედებითი ხელმძღვანელის, პიერპაოლო პიჩოლის ხელწერაში. დრისის გენიალურობა კი იმაშია, რომ ის იდეალური სიზუსტით იყენებს ფერებს, პრინტებს, ძვირფას ნაჭრებს, თუმცა ამავდროულად გვთავაზობს კომფორტულ და ადვილად სატარებელ ტანსაცმელს. ამ მხრივ ვან ნოტენი და ლაკრუა ერთმანეთისთვის შექმნილები ნამდვილად არ არიან, რაც კიდევ უფრო გასაოცარს ხდის ფაქტს, თუ როგორ კარგად და ჰარმონიულად აქვთ დაბალანსებული ერთმანეთისგან რადიკალურად განსხვავებული ხედვა და გემოვნება.

დრის ვან ნოტენი გაზაფხული/ზაფხული 2020 x კრისტიან ლაკრუა, პარიზის მოდის კვირეულის ახალი სეზონი.

Vogue
Vogue
Vogue
Vogue
Vogue
Vogue
Vogue

კოლექცია სრულად – Dries Van Noten S/S 2020

Tags :