დონატელა ვერსაჩე ვერსაჩეების მოდის იმპერიას სათავეში 1997 წლიდან უდგას. მას განსაკუთრებული ურთიერთობა ჰქონდა თავის ძმასთან, ჯანი ვერსაჩესთან. დონატელას ხშირად ჯანის ქალ ალტერ-ეგოდაც კი მოიხსენიებენ.
1997 წელს ჯანი საკუთარი სახლის წინ მოკლეს. ამის შემდეგ, მოდის სახლის მართვა დონატელამ გადაიბარა. მან პირველი კოლექცია 1998 წლის გაზაფუხლის სეზონზე წარადგინა. 2008 წელს, დონატელამ CFDA Awards-ზე საერთაშორისო დიზაინერის ჯილდო მიიღო, ხოლო 2018 წელს, იგივე დაჯილდოებამ “Fashion Icon”-ის სტატუსიც მიანიჭა.
ლეგენდარული დიზაინერის დაბადების დღის აღსანიშნად გავიხსენოთ დონატელა ვერსაჩეს ცნობილი და საკამათო გამონათქვამები:
მოდაზე:
”კომფორტული მოდა რას ნიშნავს? კომფორტულად ყოფნა მოდის ლექსიკონში ვერ იქნება. თუ კომფორტულად ყოფნა გინდა სახლში დარჩი პიჟამაში გამოწყობილი.”
ანა ვინტურის გამონათქვამზე, რომ ”არმანი ცოლს აცმევს, ვერსაჩე კი საყვარელს”:
”დიახ, როლების განაწილება მიყვარს. საყვარლები უფრო ერთობიან, ვიდრე ცოლები.”
გლამურზე:
”ყოველთვის გლამურზე ვფიქრობ. დილით ვიღვიძებ და უკვე გლამურზე მეფიქრება.”
მამაკაცის საჭიროებაზე:
”დღეს რატომ უნდა სჭირებოდეთ ქალებს მამაკაცები? სიძლიერის, დეტერმინაციის და დამოუკიდებლობის დასამტკიცებლად ნამდვილად აღარ. მამაკაცები მხოლოდ სასიყვარულო რომანებისთვის და ფიზიკური რელაქსაციისთვის არიან საჭიროები.”
სექსზე:
”სექსი ყველა ქალს მოსწონს. თუ ვინმეს არ მოსწონს, შეუძლიათ თერაპევტს მიაკითხონ.”
მაღალი ქუსლების სიყვარულზე:
”დაბლები არასოდეს მაცვია. როდესაც ვიცვამ ყოველთვის ვეცემი! ერთადერთი დაბალძირიანი ფეხსაცმელი, რომელსაც ვფლობ ჩემი კედებია. მას სპორტდარბაზში ვიცვამ, შავთან და ბრილიანტებთან.”
თავის თმის ფერზე:
”არც კი ვიცი ჩემი ბუნებრივი თმის ფერი რომელია. ბუნებრივი? რა არის ბუნებრივი? რას ნიშნავს? არ მჯერა ბუნებრივობის. ჩემთვის ბუნებრივობა რაღაცით ბოსტნეულს უკავშირდება.”
როგორ ჩაიცვამდა ღმერთთან შესახვედრად:
”მაღალქუსლიანებს ჩავიცვამდი, დარწმუნებული ვარ ღმერთს ნანახი არ აქვს.”
თავის სწრაფ ბუნებაზე:
”შენელებისთვის დრო მხოლოდ სიკვდილის მერე დგება.”
