როგორც გამოცემა Variety იუწყება, მალე მაყურებელი ბელა ჰადიდის სამსახიობო დებიუტს იხილავს. 25 წლის მოდელი სტრიმინგ სერვის Hulu-ს კომედიური სერიალის, Ramy-ის ახალი სეზონის სამსახიობო გუნდს შეუერთდა. ჰადიდის პერსონაჟთან დაკავშირებული დეტალები ჯერჯერობით უცნობია.
Ramy-ის პირველი სეზონის პრემიერა 2019 წელს შედგა. სერიალის სიუჟეტი ნიუ ჯერსიში მცხოვრები ეგვიპტელი ოჯახის ირგვლივ ვითარდება. ეს არის კომედიური დრამა, რომელიც აღწერს, თუ როგორია მუსლიმი ემიგრანტებისათვის თანამედროვე ამერიკაში თავის დამკვიდრება. როგორც ცნობილია, სერიალი მესამე სეზონით მაისის ბოლოს დაბრუნდება.
