Studio 54-ის დაუვიწყარი სადღესასწაულო წვეულებები

იყო დრო, როცა ადამიანები ყოველგვარი შეზღუდვების გარეშე ერთობოდნენ. თუ რამდენიმე ათწლეულით უკან დავბრუნდებით და Studio 54-ში შობის ან ახალი წლის წინა ღამეს შევიხედავთ, იქ შიშველ სანტა კლაუსებს ვნახავთ და გრეის ჯონსი თავისი შთამბეჭდავი წარმოდგენით დაგვხვდება.

Studio 54 – ეს გართობასთან, გლამურსა და დისკო კულტურასთან ასოცირებული კლუბი იყო, რომელიც 1977 წლის 26 აპრილს მანჰეტენზე გაიხსნა და სამოცდაათიანი წლების ნიუ-იორკული გართობის სიმბოლოდ იქცა. სტივ რუბელის და იან შრაგერის შექმნილი საკლუბო სივრცე დაუსრულებელი წვეულებებისათვის იყო განკუთვნილი. ის უმოკლეს დროში პრესტიჟული ადგილი გახდა, სადაც დადიოდა ყველა, ვინც მაშინ რაღაცას წარმოადგენდა. ლეგენდარული კლუბის არქივებიდან CR Fashion Book 15 ფოტოს გვთავაზობს, რომლებიც კიდევ ერთხელ დაგვარწმუნებს Studio 54-ის ბრწყინვალებაში.

თვალი გადავავლოთ როგორ აღნიშნავდნენ შობის და ახალი წლის დღესასწაულებს იქ, სადაც როკ და პოპვარსკვლავები, მსახიობები, არტისტები, სხვადასხვა სფეროში მოღვაწე ხელოვანები, დიზაინერები და პოლიტიკოსებიც კი ერთად ერთობოდნენ.