LVMH ყოველწლიურად ახალი ბრენდებისა და დიზაინერების მხარდასაჭერ კონკურსს ატარებს, რომელსაც LVMH Prize-ის სახელით ვიცნობთ. ამ კონკურსში მონაწილეობა მიღებული აქვს დღეს აქტუალური დიზაინერების საკმაოდ დიდ ნაწილს. მათ შორის არიან: შეინ ოლივერი, გრეის უელს ბონერი, მარინ სერი, თებე მაგუგუ, სიმონ ჟაკმუსი, დემნა, ვირჯილ აბლო, მაქსიმილიან დევისი, მარტინ როუზი, ნენსი დოჯაკა, ქოლმ დილანი და სხვები.
წელს LVMH Prize-ის აპლიკანტების რეკორდული რაოდენობა დაფიქსირდა. ჯამში დიზაინერების ყველაზე პრესტიჟულ კონკურსში მონაწილეობის მისაღებად განაცხადი 2,400-ზე მეტმა მსურველმა შეიტანა. გასულ წელს აპლიკანტების რაოდენობა დაახლოებით 1,900-ს შეადგენდა.
“დაარსების მომენტიდან, Prize-ის იდეა მომავლის ტალანტების შემჩნევის ხელშეწყობა იყო,” განაცხადა დელფინ არნომ, Christian Dior-ის გენერალურმა დირექტორმა. “10 წლის შემდეგ, მან საშუალება მისცა ასობით, თუ არა ათასობით ახალგაზრდა დიზაინერს, რომ თავიანთი კარიერა და კრეატიულობა განევითარებინათ.”
დღეს ცნობილი გახდა LVMH Prize-ის მე-10 გამოშვების ნახევარფინალისტების ვინაობა. 2023 წელს ეს პატივი 22 დიზაინერს ერგო.
ისინი მსოფლიოს მრავალი წერტილიდან არიან: კანადიდან, ჩინეთიდან, სამხრეთ კორეიდან, ესტონეთიდან, შეერთებული შტატებიდან, ინდოეთიდან, იტალიიდან, იაპონიიდან, ნიგერიიდან, გაერთიანებული სამეფოდან, ტაივანიდან, შვედეთიდან და პირველად – ბრაზილიიდან და იამაიკიდან. ნახევარფინალისტებს შორის მოხვდა ჯული პელიპასიც უკრაინიდან, რომელსაც ჩვენი მკითხველი უკვე კარგად იცნობს. “ძალიან ბედნიერები ვართ 22 ნახევარფინალისტს შორის უკრაინელი კანდიდატის, ჯული პელიპასის, თავის გადამამუშავებელ ბრენდ Bettter-თან ერთად მიღებით,” – აღნიშნა არნომ.
რვა ფინალისტი მომდევნო თვის დასაწყისში, პარიზის მოდის კვირეულის ფარგლებში გამოვლინდება. ამისთვის ნახევარფინალისტები თავიანთ კოლექციებს პრესის წარმომადგენლებს და ექსპერტებისგან შედგენილ კომისიას 2 და 3 მარტს წარუდგენენ. ექსპერტებს შორის ვხვდებით ქასთინგ დირექტორ პიერჯორჯო დელ მოროს, “ვოგის” რედაქტორ ტიფანი გოდოის, სტილისტ ჰარი ლამბერტს და ა.შ.
დიზაინერების აღმოჩენის და ფავორიტისთვის ხმის მიცემის შესაძლებლობა ასევე ექნება ნებისმიერ ადამიანს Lvmh Prize-ის ვებ-გვერდზე.
გამარჯვებულს გადაეცემა ფულადი პრიზი 300,000 ევროს ოდენობით. გარდა ამისა, მას LVMH-იდან მენტორობას გაუწევენ შემდეგი მიმართულებებით: ფინანსები, წარმოება, მარკეტინგი, კომუნიკაციები, მდგრადობა და იურიდიული საკითხები. ფინალურ ეტაპზე გამოვლინდება Karl Lagerfeld Prize-ის მფლობელიც, რომელსაც გადაეცემა ფულადი პრიზი 150,000 ევროს ოდენობით. მას ასევე ერთი წლის განმავლობაში მენტორობას გაუწევენ LVMH-ის ექსპერტები.
2023 წლის LVMH Prize-ს ნახევარფინალისტების სრული სია
Aaron Esh, მამაკაცის სამოსის ბრენდი, დიზაინერი: Aaron Esh გაერთიანებული სამეფოდან.
Anne Isabella, ქალის სამოსის ბრენდი, დიზაინერი: Anne Isabella Rasmussen საფრანგეთიდან.
Bettter, ქალის სამოსის ბრენდი, დიზაინერი: Julie Pelipas უკრაინიდან.
Bloke, უნისექს ბრენდი, დიზაინერი: Faith Oluwajimi ნიგერიიდან.
Burc Akyol, უნისექს ბრენდი, დიზაინერი: Burc Akyol საფრანგეთიდან.
Charlie Constantinou, მამაკაცის სამოსის და უნისექს ბრენდი, დიზაინერი Charlie Constantinou გაერთიანებული სამეფოდან.
Diotima, ქალის სამოსის ბრენდი, დიზაინერი: Rachel Scott იამაიკიდან.
Joao Maraschin, ქალის სამოსის ბრენდი, დიზაინერი: Joao Maraschin ბრაზილიიდან.
Johanna Parv, ქალის სამოსის ბრენდი, დიზაინერი: Johanna Parv ესტონეთიდან.
Juntae Kim, უნისექს ბრენდი, დიზაინერი: Juntae Kim სამხრეთ კორეიდან.
Karu, მამაკაცის სამოის ბრენდი, დიზაინერი: Kartik Kumra ინდოეთიდან.
Kusikohc, უნისექს ბრენდი, დიზაინერი: Cho Giseok სამხრეთ კორეიდან.
Louis Shengtao Chen, ქალის სამოსის ბრენდი, დიზაინერი: Louis Shengtao Chen ჩინეთიდან.
Luar, ქალის სამოსის, მამაკაცის სამოსის და უნისექს ბრენდი, დიზაინერი: Raul Lopez შეერთებული შტატებიდან.
Magliano, მამაკაცის სამოსის და უნისექს ბრენდი, დიზაინერი: Luca Magliano იტალიიდან.
Marrknull, მამაკაცის სამოსის ბრენდი, დიზაინერი: Wei Wang Tian Shi ჩინეთიდან.
Namesake, მამაკაცის სამოსის ბრენდი, დიზაინერები: Steve Hsieh, Michael Hsieh და Richard Hsieh ტაივანიდან.
Paolina Russo, ქალის სამოსის ბრენდი, დიზაინერები: Paolina Russo და Lucile Guilmard კანადიდან.
Quira, ქალის სამოსის ბრენდი, დიზანერი: Veronica Leoni იტალიიდან.
Setchu, უნისექს ბრენდი, დიზაინერი: Satoshi Kuwata იაპონიიდან.
Stinarand, უნისექს ბრენდი, დიზაინერი: Stina Randestad შვედეთიდან.
Wataru Tominaga, უნისექს ბრენდი, დიზაინერი: Wataru Tominaga იაპონიიდან.
