უკვე მრავალი წელია იტალიური კოსმეტიკური ბრენდი KIKO Milano ჩვენს სურვილებზე მორგებულ სიახლეებს გვთავაზობს და მომხმარებლისათვის გამორჩეულ პროდუქციას ქმნის. KIKO Milano-მ არაერთხელ წარადგინა სხვადასხვა დღესასწაულთან დაკავშირებული სპეციალური ლიმიტირებული კოლექცია. ამჯერად ბრენდმა ვალენტინობის დღისთვის Powerful Love Collection გამოუშვა, რომელიც თქვენს ბუნებრივ სილამაზეს კიდევ უფრო გამოკვეთს. მაღალი ხარისხითა და შეფუთვის ესთეტიკური დიზაინით, KIKO Milano ტრენდულ პროდუქტებს წარმოგვიდგენს. Powerful Love Collection-ის მრავალფეროვანი კოლექცია სრულყოფილი მაკიაჟის შესაქმნელად იდეალური არჩევანია.
ამ სტატიაში შევეცდებით მოკლედ გაგაცნოთ Powerful Love Collection-ის რამდენიმე პროდუქტი:
კანის მომზადება
KIKO Milano-ს უპირველესი პრიორიტეტი ჯანსაღი კანია. სწორედ ამიტომ, ყველა კოლექციაში განსაკუთრებული აქცენტი სწორედ კანის მოვლის საშუალებებზე კეთდება. გამონაკლისი არც Powerful Love Collection არის. კოლექციაში გაერთიანებულია ყოველდღიური რუტინისათვის განკუთვნილი ის პროდუქტები, რომლებიც თქვენს კანს ჯანსაღ ბზინვარებას მიანიჭებს. Powerful Love Collection-ის ერთ-ერთი გამორჩეული პროდუქტია იის ყვავილოვანი არომატით გაჯერებული Hydrating Face Primer. წყლის ბაზაზე დამზადებული პრაიმერი მომენტალურად მატებს კანს ბზინვარებასა და სიმსუბუქეს, გამოყენებიდან 14 დღის განმავლობაში კი, დატენიანების ეფექტს 18%-მდე აუმჯობესებს.
სახე
KIKO Milano-ს პროდუქტების განსაკუთრებულობა იმაშია, რომ მინიმალური რაოდენობის პროდუქტებით მაქსიმალური შედეგის მიღწევა შეგვიძლია. იდეალური მაკიაჟის უპირველესი ნიშანი ბუნებრივი შეფერილობაა. ამისათვის Powerful Love Collection-ის ყვავილოვანი სურნელით გაჯერებული პროდუქტები იდეალური არჩევანია. Compact Blush & Highlighter ერთ შეფუთვაში ჰაილაითერსა და გლუვ ბლაშს აერთიანებს. პროდუქტი ორ სხვადასხვა ტონალობაშია წარმოდგენილი, რომელსაც თქვენი კანს ბუნებრივი შეფერილობის მიხედვით შეარჩევთ. კოლექციაში ასევე აღმოაჩენთ Amulet Powder Face Highlighter-ს, რომელიც თქვენს სახეს დამატებით ბრწყინვალებას შესძენს, Duo Creamy Blush-ის კრემისებური ტექსტურა კი, ბუნებრივი შეფერილობის ეფექტს გამოკვეთს.
თვალები
Powerful Love Collection-ის ერთ-ერთი გამორჩეული სპეციალური პროდუქტი თხევადი თვალის ჩრდილებია, რომელიც ტრენდულ ფერებს აერთიანებს. მათი დახმარებით შეძლებთ, აქცენტი თვალზე გააკეთოთ. ლაინერი თვალის მაკიაჟის განუყოფელი ნაწილია – Eyeliner Duo-ს სხვადასხვა მარკერის გამოყენებით შეძლებთ, გამოკვეთოთ და ხაზი გაუსვათ თქვენი თვალის ფორმას. Powerful Love Collection-ში ასევე აღმოაჩენთ წამწამების ტუშს, რომელიც თვალებს კიდევ უფრო მეტ მოცულობას შესძენს. Little Gem All Over Top Coat კიდევ ერთი გამორჩეული პროდუქტია, რომლის კრემისებური ტექსტურა თვალის მაკიაჟს სრულყოფაში და ორიგინალური შტრიხების შეტანაში დაგეხმარებათ.
ტუჩები
KIKO Milano-ს ბესტსელერ პროდუქტებს შორის მუდმივად შეხვდებით ტუჩსაცხებს. Powerful Love Collection მრავალფეროვანი ფორმულის, ტექსტურისა და შეფერილობის ტუჩსაცხებს აერთიანებს, ეს პროდუქტები არამხოლოდ ვიზუალურად გამოკვეთს ტუჩს, არამედ დაარბილებს და ზამთრის სუსხისაგან დაიცავს.
სუნამო
კოლექციის ექსკლუზიური პროდუქტია Quartz Romance Eau de Parfum – სუნამო, რომელიც ლოტოსისა და ირისის მსუბუქ არომატებს აერთიანებს და კონცეპტუალური შეფუთვით გამოირჩევა.
რადგანაც ვალენტინობის დღე ემოციების გაცვლასთან და საყვარელი ადამიანის გახარებასთან ასოცირდება, Powerful Love Collection სასაჩუქრე ნაკრებსაც გვთავაზობს. ეს არის სიყვარულით შექმნილი ნაკრები, რომლითაც ადრესატს განსაკუთრებით გაახარებთ.
Powerful Love Collection შეგიძლიათ დაათვალიეროთ და შეიძინოთ ბრენდის ოფიციალურ მაღაზიებში – თბილისი მოლში, ისთ ფოინთსა და სითი მოლში საბურთალოზე, ან ონლაინ – Blush.ge –ზე და Shopshop.ge -ზე.შეგახსენებთ, რომ KIKO Milano-ს საქართველოში ოპერირებას უწევს Cenomi (Retail Group Georgia) – კომპანია, რომელიც დღესდღეობით, ქვეყნის მასშტაბით მოქმედ 20-ზე მეტი საერთაშორისო ბრენდის ათეულობით მაღაზიას წარმატებით წარადგენს.
