თუ საკუთარი თავისთვის ან თქვენთვის მნიშვნელოვანი ადამიანისთვის საჩუქრის გაკეთება გსურთ, მაშინ გეტყვით, რომ “პარფუა” მომხმარებლებს 2023 წლის გაზაფხული/ზაფხულის კოლექციას სთავაზობს, რომელიც ბზინვარებითა და ფერადოვნებით გამოირჩევა. ის მოიცავს როგორც სამკაულებს, ისე ტანსაცმელს, ფეხსაცმელს, ჩანთებსა და სხვა აქსესუარებს. ნებისმიერი შერჩეული ნივთი თქვენს განწყობაზე აუცილებლად დადებითად იმოქმედებს და მზიან ნათელ დღეებს კიდევ უფრო ფერადს და მრავალფეროვანს გახდის.
კოლექციის პრეზენტაცია რამდენიმე დღის წინ Chicos Tbilisi-ს განსაკუთრებულ გარემოში, ინფლუენსერებისა და პრესის წარმომადგენლების თანდასწრებით შედგა. როგორც “პარფუას” ბრენდ მენეჯერმა თამარ ბოდოკიამ განაცხადა, განსხვავებულ გარემოში კოლექციის წარდგენა ამ პერიოდში ბრენდის მიმართ გაზრდილი ინტერესის გამო გადაწყვიტეს, რაც, უპირველესყოვლისა, საქორწილო, საბანკეტო თუ საზღვაო სეზონისთვის აქტიური სამზადისით არის განპირობებული.
“კონცეპტმა ე.წ. “Cook the look” კიდევ უფრო საინტერესო გახადა ჩვენი ღონისძიება. ინფლუენსერებმა საინტერესო ლუქები შექმნეს და გაუზიარეს რჩევები გამომწერებს,” – აღნიშნა მან. “გვიხარია, რომ ასე ძალიან ელოდნენ მომხმარებლები ბრენდის დაბრუნებას და, რა თქმა უნდა, გაფართოებაზეც ვფიქრობთ. წლის განმავლობაში კიდევ გაიხსნება Parfois-ის მაღაზიები და აქვე გაგიმხელთ, რომ დავბრუნდებით ბათუმშიც, სადაც მოუთმენლად გველიან.”
“პარფუა” პორტუგალიური ბრენდია, რომლის ისტორიაც 1994 წელს იწყება და მას შემდეგ სხვადასხვა გემოვნების მქონე ქალბატონებს მოთხოვნად, ტენდენციურ და ორიგინალურ აქსესუარებსა და ტანსაცმელს სთავაზობს. ქართულ ბაზარზე “პარფუა” რამდენიმე თვის წინ სრულიად ახალი კონცეფციით დაბრუნდა, რაც ქართველი მომხმარებლებისთვის ძალიან სასიხარულო სიახლე აღმოჩნდა. ბრენდს საქართველოში ოპერირებას Cenomi Retail Group Georgia უწევს – კომპანია, რომელიც ქვეყნის მასშტაბით არაერთ წამყვან ბრენდს წარადგენს.
Parfois-ის ახალი კოლექციის დათვალიერება და შეძენა შესაძლებელია სავაჭრო ცენტრ “თბილისი მოლში.”
