ლონდონის მოდის კვირეულის დაწყებამდე ერთი დღით ადრე, საუთვორკის საკათედრო ტაძარში შეკრებილმა საზოგადოებამ პატივი მიაგო Dame ვივიენ ვესტვუდის ხსოვნას. ლეგენდარული ბრიტანელი დიზაინერი გასული წლის დეკემბერში 81 წლის ასაკში გარდაიცვალა.
“სხეულები იცვითება, სულები კი არა,” – ეს სიტყვები ტაძარში თავმოყრილი ადამიანების წინაშე ჰელენა ბონემ კარტერმა წარმოსთქვა, ნიკ ქეივმა კი პიანინოზე “Into My Arms” დაუკრა. “ვოგის” ბრიტანული გამოცემის ცნობით, განსაკუთრებით ემოციური მომენტი ვივიენის ქმარმა და შემოქმედებითმა პარტნიორმა ანდრეას კრონთალერმა შექმნა, რომელმაც სიტყვით გამოსვლისას განაცხადა: “მას ყველაზე მეტად სამყაროს უკეთეს ადგილად ქცევა სურდა.”
ადგილზე მისული სტუმრების დიდი ნაწილი “პანკის დედოფლის” ნამუშევრებს ატარებდა, მათ შორის იყვნენ: დიზაინერის მეგობრები, მსახიობები, მოდელები და მუზები.
იხილეთ ფოტოები
© British Vogue / Getty
