გაზაფხული განახლებებისა და გაჯანსაღების სეზონია, იცვლება ჩვენი შინაგანი განწყობა, ისევე, როგორც ამინდი, მატულობს ტემპერატურა და დღის სინათლე. ამასთან, რა თქმა უნდა, ახლდება ჩვენი სახის მოვლის რუტინა და მაკიაჟის პალიტრა. სწორედ ამიტომ, KIKO Milano-მ საგაზაფხულოდ ახალი, ლიმიტირებული კოლექცია გამოუშვა სახელწოდებით “Beauty Essentials”. ფუნქციური ფორმულებითა და სწრაფად მოქმედი ინგრედიენტებით გამორჩეული ახალი კოლექცია თქვენს ყოველდღიურ რუტინას ახალ საფეხურზე აიყვანს.
იმ შემთხვევაშიც კი, თუ თავის მოვლისთვის ბევრი დრო არ გაქვთ, აღნიშნული პროდუქტების მცირედი გამოყენებაც კი, სასიამოვნო შეგრძენებას დაგიტოვებთ, ხოლო კანს იდეალურად მოამზადებს მაკიაჟის დასატანად.
კოლექციაში შემავალ კანის მოვლის საშუალებებში იპოვით მაკიაჟის მოსაშორებელ სითხეს, რომელიც გაჯერებულია გარგრის ზეთითა და პიონის ექსტრაქტით, დამატენიანებელ სახის ნიღაბს ალოე ვერას მკვებავი ნივთიერებებით, ისევე, როგორც თვალის კრემს ჯანჯაფილის ექსტრაქტით, ტუჩის დამატენიანებელ ზეთს, შრატსა და ტონერს.
Რაც შეეხება მაკიაჟს, საგაზაფხულო კოლექციის ფერთა პალიტრა ზამთრის ღრმა, მდიდარი ფერებიდან იდეალურ გადასვლაში დაგეხმარებათ, საგაზაფხულო ლაღ და ნათელ ფერებში. “Beauty Essentials”-ში იპოვით ყველაფერს, დაწყებული სახის ტონალური კრემით, დამთავრებული ფრჩხილების ლაქით. Radiant Foundation
SPF15-ის მეშვეობით, რომელიც ჰიალურონის მჟავის შემცველობითაა, თქვენს კანს გლუვი და დატენიანებული იერი ექნება, Radiant Concealer-ით კი თქვენ შეძლებთ დაფაროთ მუქი თვალის უპეები ან ნებისმიერი სხვა სახის უსწორმასწორობა თქვენი კანის ზედაპირზე. კოლექციაში შემავალი დამაფიქსირებელი პუდრი, ტუში, ბრონზერი, ბლაშები და თვალის ჩრდილები ზედმეტი ძალისხმევის გარეშე, თქვენს საგაზაფხულო მაკიაჟის ლუქს შეუდარებელს გახდის.
Რაც შეეხება ტუჩის პროდუქტებს, კოლექციაში შედის ტუჩის ფანქარი, ტუჩსაცხი და გლოსი. ორნაირი, გლუვი და მბზინვარე ტუჩსაცხები შექმნილია იმისთვის, რომ ნებისმიერი გემოვნების მქონე ადამიანს მოერგოს, ხოლო ფანქრის ეფექტი, რომელიც 16 საათის განმავლობაში არსად გაქრება, იდეალურია მათთვის, ვისაც დღის განმავლობაში არ აქვს დრო შეისწოროს მაკიაჟი.
ახალი კოლექციის შეძენა შესაძლებელია KIKO Milano-ს ოფიციალურ მაღაზიებში თბილისი მოლში, ისთ ფოინთსა და სითი მოლში, ან ონლაინ: www.shopshop.ge-ზე ან www.blush.ge-ზე.
