უკრაინული ვოგის 2018 წლის ‘Cover Story’ ქართველი დიზაინერების მონაწილეობით

ქართული მოდის განვითარებისთვის გასული ათწლეული განმსაზღვრელი პერიოდი იყო. დემნას და თბილისის მერსედეს-ბენც მოდის კვირეულის საერთაშორისო წარმატებამ, ქართველ დიზაინერებს მანამდე არნახული ხილვადობა მოუტანა. ერთ-ერთი ყველაზე გამორჩეული მომენტი კი, უკრაინულ ვოგს უკავშირდება.

2018 წლის იანვარში, მოდის ბიბლიის უკრაინულმა გამოცემამ ახალი ნომერი გამოაქვეყნა. გარეკანს ლეგენდარული ალეკ ვეკი დემნას ბალენსიაგას კოლექციით ამშვენებდა.

Vogue უკრაინა – 2018 წლის იანვარი

ფოტოსესიის ძირითადი ნაწილი ქართველ დიზაინერებს დაეთმოთ. გიორგი ქებურია, ლადო ბოკუჩავა, თამუნა ინგოროყვა, ირაკლი რუსაძე, გოლა დამიანი და რა თქმა უნდა, დემნა – ეს პირველი და ჯერ-ჯერობით ერთადერთი შემთხვევა იყო, როდესაც Vogue-ის გარეკანის ფოტოსესია ქართველმა დიზაინერებმა დაიკავეს.