პარიზში მამაკაცის სამოსის მოდის კვირეულის პირველი მნიშვნელოვანი ჩვენება Louis Vuitton -მა გამართა. ბრენდის მამაკაცის ხაზის შემოქმედებითმა დირექტორმა, ვირჯილ აბლომ 2021 წლის შემოდგომა/ზამთრის კოლექცია 70 ლუქით წარადგინა. კოლექციისთვის თვალის გადავლებით, ცხადი ხდება, რომ ვირჯილმა თავის ესთეტიკაში განსხვავებული სამყაროს აღმოჩენა სცადა. გრძელი პალტოები, კაბები, ხალათები, რომლებსაც ვირჯილის შემოქმედებაში იშვიათად ვხედავდით, ახალ კოლექციაში თვალშისაცემად გვხვდება.
Louis Vuitton შემოდგომა/ზამთარი 2021
ფოტოები: Vogue.com
უცვლელია ვირჯილის, როგორც დიზაინერის, მთავარი ნიშა – ქუჩის სტილი, ლოგოების სიყვარული და მრავალფეროვანი ინსპირაცია კოლექციის მიღმა. აფრო-ამერიკელმა დიზაინერმა სეზონის ერთ-ერთ შთაგონებად ჯეიმს ბოულდვინის ნაშრომი, “Stranger in the Village” დაასახელა. კოლექციაში შესამჩნევია ამერიკული კულტურის განუყოფელი ნივთები, როგორიცაა კოვბოის ჩექმები, აგრეთვე აფრიკულ კულტურაში, კერძოდ, განაში გავრცელებული პრინტები და ქსოვილები, მაგალითად, ე.წ. “Kente cloth”.
Louis Vuitton შემოდგომა/ზამთარი 2021
ვირჯილ აბლო ლუი ვიტონის მამაკაცის ხაზის შემოქმედებით დირექტორად 2018 წელს დასახელდა. ის პირველი ფერადკანიანი დიზაინერია, რომელმაც LVMH -ში ცნობილი ბრენდის კრეატიული ლიდერის თანამდებობა დაიკავა.
ახალი კოლექციის ციფრული პრეზენტაცია
