თაობა “ზეტს” ახალი ფავორიტი სერიალი აქვს და ეს HBO-ს თინეიჯერული დრამა “ეიფორიაა”, რომელშიც მთავარ როლს ამერიკელი მომღერალი და მსახიობი, ზენდაია და მსახიობად ქცეული მოდელი, ჰანტერ შეფერი ასრულებენ.
ისტორია 17 წლის თინეიჯერი რუს და მისი მეგობრების გარშემო ვითარდება. სექსი, ნარკოტიკები, ტრავმა, სოციალური მედიის გავლენა, გულისტკენა, მეგობრობა – ის თემებია, რომლებიც ნებისმიერი თანამედროვე თინეიჯერული დრამის ნაწილია და გამონაკლისს არც “ეიფორია” წარმოადგენს. სერიალმა გარდა ღრმა და დრამატული თინეიჯერული თემებისა, პრესის ყურადღება ვიზუალური ეფექტებითა და ესთეტიკითაც დაიმსახურა.
სერიალს განსაკუთრებით “Beauty” ლუქები გამოარჩევს, რომლებიც პერსონაჟების წარსულისა და მათი იდენტობის წარმოჩენაში დიდ როლს თამაშობს. სერიალში გამოყენებულმა მაკიაჟმა, რომელიც 60-იანებითაა ინსპირირებული, თაობა “ზეტის” ყურადღება მალევე მიიპყრო. ინტერნეტში გაჩნდა ჰეშთეგები და იუთუბ ვიდეოები, სადაც ფანები საკუთარ თავზე ცდიდნენ სერიალით შთაგონებულ მაკიაჟს.
“მაკიაჟი ემოციებს აღძრავს და შეუძლია ირონიის, მხიარულების, წინააღმდეგობრიობის, უშიშრობის, აშლილობის, დაუცველობის, სიყვარულის ნდომის, მისგან თავის დაღწევის, დელირიუმის, გულისტკენის, დაბნეულობის, ხელახლა მოვლენის, სურეალიზმის, ფიქრის, შფოთვის და, რა თქმა უნდა, ეიფორიის გამოხატვა” – დანიელა დეივი, “ეიფორიას” მაკიაჟის მთავარი არტისტი
“ეიფორიას” მაკიაჟი ახალი თაობისთვის ტრენდად იქცა. როგორც მაკიაჟის არტისტი, დანიელა დეივი ამბობს, მისი შთაგონების წყარო თვით თაობაა, რომელსაც ის ინსტაგრამის საშუალებით ადევნებდა თვალს. დანიელა აცხადებს, რომ მოსწავლეები სკოლაში მსგავსი მაკიაჟით დადიან და თუ ინტერნეტში ატეხილ ხმაურს გავითვალისწინებთ, “ეიფორიამ” გარკვეული გავლენა უკვე მოახდინა ახალ თაობაზე, უბიძგა მათ, რომ მაკიაჟთან მიმართებაში უფრო თამამები და ექსპერიმენტულები გამხდარიყვნენ, ისევე, როგორც ქალები 60-იანებში იყვნენ.
მედის მაკიაჟის ლუქები:
ქეთის მაკიაჟის ლუქები:
ჯულსის მაკიაჟის ლუქები
რუს მაკიაჟის ლუქები:
ქესის მაკიაჟის ლუქები:
