1993 წლის გაზაფხული/ზაფხულის სეზონზე გრანჟმა მაღალ მოდაში შეღწევა დაიწყო. სიეტლიდან წამოსული მუსიკოსების განწყობა ნიუ-იორკში მარკ ჯეიკობსის პერი ელისისთვის შექმნილ კოლექციაში და ანა სუის ჩვენებაზეც გამოვლინდა. მაგრამ იტალიაში დაფუძნებული ბრენდების შოუებში ახალი დამოკიდებულება ჯერ ისევ არ ჩანდა. მათ შორის იყო პრადაც, რომლის კოლექციაში შეიძლებოდა რომანტიზმის და ბოჰემური ელემენტების შემჩნევა, მაგრამ არა გრანჟის.
მიუჩიას 1992 წელს გამართულ შოუზე წარმოდგენილი კოლექცია ნაზი და მინიმალისტური იყო, რომელიც სანაპიროს გარემოს უფრო შეესაბამებოდა, ვიდრე როკ კონცერტს.
თვალი გადავავლოთ გამორჩეულ დეტალებს ჩვენებიდან;
წელის ქამარზე, სამკლაურებსა და ჩოკერებზე მიმაგრებული ყვავილები ამ აქსესუარებს უფრო ფემინურს ხდის.
ზამშის ფეხსაცმელები მუხლებამდე თასმებით არის შეკრული.
კოლექციაში ფორმალური პიჯაკების სხვადასხვა დიზაინს ვხვდებით, მათ შორის მკლავების გარეშე. ისინი ძირითადად ყავისფერ ტონალობებშია გადაწყვეტილი.
ჩვენებაზე მოდელებმა საცურაო კოსტუმები და მათ გარედან ჩასაცმელი სამოსიც წარადგინეს.
დასამახსოვრებელი დეტალია ამოჭრილი ვარსკვლავები, რომლებიც ტოპებს, შარვლებს, პიჯაკებს და კაბებს აფორმებს.
კოლექციას ფოჩებიანი კაბები აგვირგვინებს, რომლებიც მიუჩიას საუცხოო შემოქმედების მნიშვნელოვანი ნაწილი გახდა.
ასეთია პრადა ნეილონის ბრენდის განუყოფელ ნაწილად ქცევამდე და ცუდი გემოვნების კარგად, მიმზიდველად გარდაქმნამდე.
პრადას 1993 წლის გაზაფხული/ზაფხულის კამპანია კარლა ბრუნის მონაწილეობით;
ფოტოგრაფი: სტივენ მეიზელი
