გასულ წელს ვინტაჟური მოდა ყურადღების ცენტრში მოექცა. დიდ ღონისძიებებზე თუ ყოველდღიურ ცხოვრებაში, ცნობილი ადამიანები დიზაინერების არქივებს სულ უფრო და უფრო ხშირად მიმართავდნენ. ჰოლივუდის ვარსკვლავებმა, მომღერლებმა და ტოპ მოდელებმა წელს კიდევ ერთხელ დაამტკიცეს, რომ კარგ და ხარისხიან დიზაინს შეუძლია დროს გაუძლოს. რამდენიმე მათგანმა ვინტაჟი უფრო ხშირად მოირგო, მაგალითად ზენდეიამ და ბელა ჰადიდმა. მათ ერთი სტილისტი ყავთ, აწ უკვე ცნობილი Law Roach, რომელმაც წინა თვეში ვოგთან ინტერვიუში თქვა „არ აქვს მნიშვნელობა კაბა 1920 წელს შეიკერა თუ 2020 წელს. კარგი კაბა კარგი კაბაა.“
ზოგი ცნობილი ადამიანი, მაგალითად კაილი ჯენერი, ხშირად ერთი დიზაინერის – Mugler-ის ვინტაჟში ვიხილეთ. წინა თვეს ბრუკლინის მუზეუმში დიზაინერის რეტროსპექტივა-გამოფენა მოეწყო, რომელზეც კაილის, რა თქმა უნდა მუგლერის არქივული, 1995 წლის შემოდგომა/ზამთრის კოლექციის კაბა ეცვა. გასულ ზაფხულს კიმ კარდაშიანსაც ჰქონდა არქივული დიზაინერული მომენტი, როდესაც Dolce & Gabbana-ს ვინტაჟური კაბები მოირგო.
ამ სტატიაში გთავაზობთ 2022 წლის საუკეთესო 29 ვინტაჟურ ლუქს ცნობილი ადამიანებისგან:
