რამდენიმე თვის წინ, სატელევიზიო შოუების მოყვარულებმა, Netflix-ზე, კომედიური სეიალი Emily in Paris იხილეს. სერიალი მალევე სტრიმინგ სერვისის რეიტინგის ერთ-ერთ ლიდერად და ინტერნეტ ჰიტად იქცა. Emily in Paris-ის შემქმნელებმა სიუჟეტის ნაწილად აქციეს Instagram-ის ფენომენი, სოციალური ქსელების თანამედროვე ტრენდები, ინფლუენსერები და მათი როლი მარკეტინგში. მიუხედავად ამისა, სერიალმა დიდი კრიტიკაც დაიმსახურა – მიზეზი ფრანგების სნობებად წარმოჩენა და მათი ცხოვრების სტილის არასწორი ინტერპრეტაცია გახდა.
ფრანგების სტილის შეგრძნება, მათი მოდისადმი სიყვარული ყოველთვის შესამჩნევი და აღსანიშნავია. პარიზული ქუჩის სტილი მოდის თანამედროვე ტენდენციების, ვინტაჟური და თანამედროვე ტრენდების საინტერესო და გემოვნებიანი შერწყმის კარგი მაგალითია. სწორედ პარიზელებს, მათი ცხოვრებისა და ჩაცმის ყოველდღიურ სტილს ეძღვნება ახალი გვერდი ინსტაგრამზე, რომლის სახელიც ალბათ ზემოხსენებულ სერიალს გაგვახსენებს – Parisiens in Paris მრავალფეროვანი ქუჩის სტილის ამსახველი კადრებით, მოდის ცენტრად აღიარებული ქალაქის ესთეტიკის დოკუმენტურ მასალას გვაწვდის.
Parisiens in Paris-ის ინსტაგრამის ანგარიშზე წინასწარი დადგმის გარეშე გადაღებულ, სპონტანურ კადრებს აღმოაჩენთ, რომლებიც ქუჩის სტილთან ერთად, კარგად გამოხატავს ქალაქის ყოველდღიური ცხოვრების ტემპს, ურბანულ გარემოს, კულინარიულ და გასტრონომიულ გამოცდილებებს.
