სპორტს და მოდის სამყაროს ერთმანეთთან ყოველთვის განსაკუთრებით მჭიდრო კავშირი ჰქონდა. თანამედროვე მოდის ინდუსტრიაში, აქტიური ცხოვრების წესთან თავსებადი კოლექციების შექმნა ბრენდებისათვის საიმიჯო განაცხადად მიიჩნევა.
როდესაც ვსაუბრობთ იდეალურ სპორტულ ტანსაცმელზე, ერთდროულად რამდენიმე დეტალს ვგულისხმობთ. თუმცა კომფორტი, ხარისხი და დიზაინი ის ძირითადი კრიტერიუმებია, რომელთა მიხედვითაც სასურველ მოდელს ვარჩევთ. OYSHO სწორედ ის ბრენდია, რომელიც ჯანსაღი ცხოვრების წესის ფილოსოფიას დახვეწილი დიზაინის კოლექციებით კარგად გამოხატავს.
ახლახანს, აქტიური ცხოვრების წესისა და OYSHO-ს კონცეფციის საინტერესო გადაკვეთა ბრენდისა და Snap Premium-ის კოლაბორაციის სახით ვიხილეთ. იოგა, ფიტნესი, თუ ნებისმიერი სხვა ფიზიკური აქტივობა მოგზაურობას ჰგავს, რომელიც საკუთარი თავის – სხეულისა და გონების ფლობაში გვეხმარება. ასეთ დროს, სწორად შერჩეული სამოსი მეტ თავდაჯერებულობასა და კომფორტს გვაგრძნობინებს. ეს გზავნილები OYSHO-ს და Snap Premium-ის ერთობლივ ვიდეორგოლში საკმაოდ კარგად არის პოზიციონირებული.
დღესდღეობით, მსოფლიო ბაზარზე სპორტული ტანისამოსის არაერთ ბრენდს ვხვდებით. ზოგიერთმა მათგანმა მრავალწლიანი ისტორიით დიდი იმპერია შექმნა. ამ კონკურენციის პირობებში, განსაკუთრებით იმსახურებს აღნიშვნას ის, რომ OYSHO-მ საკულტო ბრენდებს შორის თავისი ადგილი და გამოკვეთილი ნიშა ნამდვილად დაიკავა. OYSHO-ს მრავალფეროვანი კოლექციები იმის კარგ მაგალითად იქცა, თუ როგორ შეიძლება ხარისხის, დახვეწილი დიზაინისა და თანამედროვე ტრენდების სინთეზურმა თანხვედრამ ჰარმონიული მთლიანობა შექმნას.
ბრენდის დამახასიათებელ დეტალად შეგვიძლია მინიმალისტური დიზაინი და სადა, პასტელური ფერები ჩავთვალოთ. სწორედ ამ მინიმალიზმისა და ამავდროულად თანამეროვე ტრენდების გათვალისწინებით, ბრენდი უკვე არაერთი წელია წარადგენს სპორტულ კოლექციებს, რომლებიც ყოველდღიურ სტილთანაც თავსებადია და სხვადასხვა გრემოებისათვის შერჩეულ სამოსთან იდეალურ კომბიანციას ქმნის.
OYSHO-ს ახალი კოლექციის დასათვალიერებლად, შეგიძლიათ ეწვიოთ ბრენდის ოფიციალურ მაღაზიებს, რომლებიც მდებარეობს სითი მოლსა და თბილისი მოლში.
