სუპერმოდელი და სატელევიზიო ვარსკვლავი ჰაიდი კლუმი მუსიკალურ კარიერას იწყებს. 2022 წლის 14 იანვარს, მისი პირველი ტრეკი, სახელწოდებით Chai Tea With Heidi გამოვა, რომელიც რეპერ Snoop Dogg-თან კოლაბორაციით ჩაიწერა. როგორც თავად ჰაიდიმ აღნიშნა, ის Snoop-ის დიდი თაყვანისმცემელია, ამიტომ სადებიუტო კომპოზიციის ფარგლებში მასთან თანამშრომლობა განაკუთრებით სიმბოლურია.
სიმღერის და მასზე გადაღებული შავ-თეთრი მუსიკალური ვიდეოს თიზერი სოციალურ ქსელებშიც გამოქვეყნდა. კომპიზიცია მოიცავს მელოდიას როდ სტიუარტის 1983 წლის სინგლიდან, სახელწოდებით – Baby Jane. აღსანიშნავია, რომ ჰაიდი კლუმისა და Snoop Dogg-ის კოლაბორაციული სიმღერა ცნობილი ტელეშოუს – Germany’s Next Top Model-ის ახალ სეზონში გამხსნელი ინტროს სახითაც გაჟღერდება. შეგახსენებთ, რომ სატელევიზიო პროექტის წამყვანი სწორედ ჰაიდი კლუმია.
