მომდევნო ოთხი დღის განმავლობაში ონლაინ პლატფორმა mbfwtbilisi.online ჩვენი ქვეყნის ყველაზე მნიშვნელოვან მოდურ ღონისძიებას უმასპინძლებს. გასული სეზონის მსგავსად, თბილისის მერსედეს-ბენც მოდის კვირეული ამჯერადაც ციფრულ ფორმატში ჩატარდება.
ახალი კოლექციების ჩვენებების გადაღებები კოკა-კოლას ყოფილი ქახნის ტერიოტორიაზე მოწყობილ ახალ კულტურულ სივრცეში, Factory Tbilisi-ში, მიმდინარეობდა. გარდა კოლექციების ხილვის შესაძლებლობისა, ვირტუალურ სივრცეში მულტიმედიური კონტენტის ნახვაც შეგვეძლება, მათ შორის კულისებში გადაღებული კადრების, დიზაინერების დღიურების, ინტერვიუებისა და ვირტუალური შოურუმების. აღსანიშნავია, რომ მიმდინარე სეზონზე ვიხილავთ დებიუტებსაც. კვირეულის ოფიციალური კამპანიის შექმნაზე JAMPROJECT-მა იმუშავა.
თბილისის მერსედეს-ბენც მოდის კვირეულის 2021 წლის შემოდგომა/ზამთრის სეზონის ოფიციალური განრიგი უკვე გამოქვეყნდა. ციფრულ ღონისძიებაზე გლობალური აუდიტორია პირველად Anouki-ის ახალ კოლექციას იხილავს, კვირეულის დახურვის პატივი კი Situationist-ს ერგო, რომლის პრეზენტაციაც პლატფორმაზე 9 მაისს განთავსდება. MBFWTbilisi-ის მონაწილე სხვა დიზაინერებსა და ბრენდებს შორის ასევე არიან: Reckless, Tiko Paksa, Dalood, Mach & Mach, Ingorokva და ა.შ.
