გლენ მარტენსსა და Diesel-ს შორის თანამშრომლობა შედგა, რისი თქმის საფუძველსაც ბრენდზე გაზრდილი მოთხოვნა იძლევა. Diesel-მა ბელგიელი დიზაინერი კრეატიულ დირექტორად ორი წლის წინ წარადგინა. შეგახსენებთ, გლენი შემოქმედებითად ასევე ხელმძღვანელობს Y/PROJECT-ს, გასულ ოტ კუტიურ სეზონზე მან მოწვეული დიზაინერის ამპლუაში Jean Paul Gaultier-ის მოდის სახლისთვისაც შექმნა კოლექცია, რამაც მის მიმართ ინტერესი კიდევ უფრო გაზარდა.

Lyst-მა 2022 წლის პირველი კვარტლის შემაჯამებელი მონაცემები გამოაქვეყნა და ისინი Diesel-ის წარმატებაზე თვალსაჩინოდ მეტყველებს. იტალიურმა ბრენდმა 31-ე ადგილიდან Lyst Index-ის ყველაზე განხილვადი ბრენდების სიაში მე-15 პოზიციაზე გადაინაცვლა. სწორედ ეს შედეგი ხდის Diesel-ს ყველაზე სწრაფად ზრდად ბრენდად. ბოლო ბრენდი, რომელმაც ერთი ადგილიდან მეორეზე ასეთი დიდი სხვაობით შეძლო გადანაცვლება იყო Off-White, 2017 წელს.

გლენ მარტენსის პირველი კოლექციის ჩვენება Diesel-ისთვის მიმდინარე წლის თებერვალში, მილანის მოდის კვირეულის ფარგლებში გაიმართა. ბრენდის მიმართ საზოგადოების ყურადღების მიპყრობა არაერთმა “სელებრითულმა მომენტმაც” განაპირობა. იმ ცნობილ სახეებს შორის, რომლებმაც მისი სამოსი მოირგეს იყვნენ: ჯულია ფოქსი, მეგან თი სტალიონი, დუა ლიპა და კაილი ჯენერი. ამავე პერიოდში დაანონსდა NFT კოლექციის გამოშვებაც – D:VERSE NFT.

ყველაზე განხილვადი ბრენდების ოცეული სრულად ასე გამოიყურება:

  1. Balenciaga
  2. Gucci
  3. Louis Vuitton
  4. Prada
  5. Valentino
  6. Dior
  7. Moncler
  8. Bottega Veneta
  9. Fendi
  10. Miu Miu
  11. Off-White
  12. Burberry
  13. Loewe
  14. Versace
  15. Diesel
  16. Rick Owens
  17. Adidas
  18. Saint Laurent
  19. Nike
  20. Alexander McQueen