17 აპრილს, ვალენტინოს აღმასრულებელი დირექტორი, სტეფანო სასი Altagamma-ს ორგანიზებულ დებატებში ჩაერთო, რომელიც იტალიური ბრენდების შესახებ გაიმართა. “კლიენტის ლოიალურობა გაქრა, ისინი ხანმოკლე ტრენდებს მიჰყვებიან, მაშინ როცა მარკეტი ინტერნეტის მიერ წარმოქმნილ ხმაურში იძირება. ციფრულმა რევოლუციამ მუდმივი ხმაური შექმნა, რომელიც ძვირადღირებულ ბრენდებსა და მარკეტს შორის შუამავლობას აქრობს და ბრენდის ჩამოშლას იწვევს. თუმცა, ამავე დროს კომუნიკაცია საჭირო იარაღია ბრენდისთვის, რომელსაც განსხვავებული ხმა სჭირდება” –ამბობს სტეფანო სასი. კოლაბორაციები პარტნიორებთან, რომლებიც შორს დგანან ბრენდის ჩვეულ სტილთან, ტრანსფორმაციის კარგი საშუალებაა. ამიტომ, კოლაბორაციისთვის ვალენტინომ სანდლების გერმანული Birkenstock და იაპონელი დიზაინერის ბრენდი Undercover აირჩია.
“ვალენტინოს ფესვები ოტ კუტიურია, სამყარო, რომელიც შეიძლება ანაქრონისტული ჩანდეს, თუმცა ჩვენთვის მნიშვნელივანი ღირებულებისაა. ჩვენი საქმე ამის დაბალანსებაა, დემონსტრირება რომ cool, თანამედროვე, ახალგაზრდა და კუტიურ ბრენდი ვართ. რამდენიმე წლის წინ ვინმეს რომ ეთქვა ვალენტინო ასოცირდება Birkenstock-თანო, გამიჭირდებოდა ამის დაჯერება. მოულოდნელი კოლაბორაციაა, თუმცა მთავარია კუტიურთან შეხებით მოხდეს ეს, ვაჩვენოთ ვინ ვართ, თუმცა სხვა გზით.”
– სტეფანო სასი.
კომპლექსურ ძვირადღირებულ მარკეტში ბრენდებს ესაჭიროებათ აჩვენონ საკუთარი „ზუსტი და ძალიან ნამდვილი“ იმიჯი, რომელსაც ზურგს „შესაბამისი პროდუქტი“ უმაგრებს. “იყო თანამედროვე და რელევანტური, ყველა კომპანიის მანტრაა. ახლა ამის მიღწევის სხვადასხვა გზა არსებობს, როცა აქამდე მხოლოდ ნათლად გამოხატული ბიზნეს მოდელები იყო. პროდუქტის არჩევანი უზარმაზარია, კლიენტებს კი საუკეთესოთა შორის საუკეთესო უნდათ. ბრენდებმა საკუთარი პოზიცია უნდა განიმტკიცონ, თუმცა ამავე დროს მუდმივად უნდა ეცადონ ევოლუცია. ეს მარტივი არ არის, ”- ამბობს სტეფანო სასი.
სტრატეგიის კიდევ ერთი მთავარი ელემენტი გლობალური მიდგომაა. ელემენტი, რომელსაც ძვირადღირებული მოთამაშეები უნდა ჩაეჭიდნონ, კლიენტების ყურადღების მიზიდვა რომ შეძლონ გლობალურად. კომუნიკაციისა და წარმოების სტრატეგიები ყველა პროექტისთვის ყველა დონეზე ერთსა და იმავე დროს უნდა იყოს ხელმისაწვდომი. ეს ნიშნავს ინვესტიციის ჩადებას როგორც კლასიკურ მედიაში, ისე ინფლუენსერებში.
“ინტერნეტის მიერ წარმოქმნილ ხმაურში რომ გამოჩნდე, საჭიროა ბრენდმა ერთობლივად მართოს სადისტრიბუციო გზები/მეთოდები. საცალო ვაჭრობიდან საბითუმო ვაჭრობამდე, საკუთარ ონლაინ მაღაზიებსა და ონლაინ პარტნიორებამდე, სოციალურ მედიამდე და ა.შ. 360 გრადუსინ პერსპექტივას უნდა მოვერგოთ. მთელი ორგანიზაცია ჩართული უნდა იყოს ჩვენს თითოეულ ინიციატივაში, იქნება ეს კოლაბორაციები, სპეციალური პროექტები თუ კოლექციები. ეს ნიშნავს, რომ მთელი კომპანიის მიერ მუდმივი ძალისხმევა უნდა ჩაიდოს ამაში. მოვაჭრეები, მწარმოებლები, შემოქმედებითი გუნდი და ყველა სხვა დეპარტამენტი ჩართულია თითოეულ პროექტში. მსგავსი კომპლექსურობა აქამდე არ იყო. ეს ნიშნავს, რომ ორგანიზაცია უფრო არაფორმალური უნდა იყოს და ყველას ყველასთან საუბარი შეეძლოს.”
– სტეფანო სასი.
ყოველდღიყრი სამოსის ბუმზე საუბრისას, რომელმაც ინდუსტრიის მდიდრულ სამყაროში შეაღწია ვალენტინოს CEO-მ მაგალითად მამაკაცთა სამოსის ხაზი მოიყვანა, რომელიც რამდენიმე წლის წინ ხელახლა ჩაეშვა გაყიდვაში.
“პირველ რიგში, ჩვენ წარმოდგენილი გვქონდა მამაკაცთა ფორმალური სამოსი, ექვივალენტი ჩვენი ქალების ready-to-wear სამოსისა. სრული ჩავარდნა იყო! მას შემდეგ რედიზიანი გავაკეთეთ და უფრო ყოველდღიური სამოსის მიმართულება ავიღეთ. ერთ-ერთი პირველი მდიდრული ბრენდი ვიყავით, რომელმაც სნიკერები წარადგინა. დღესდღეობით ფორმალური სამოსი ჩვენი მამაკაცის სამოსის გაყიდვების 4%-ს ითვლის, აქსესუარები- 50%-ს, დანარჩენს კი მოდური და სპორტული სამოსის გაყიდვები იკავებს.”
2018 წლისთვის, სასის თქმით, შემოსავალი 1.2 მილიარდი ევრო იყო, 3%-ით მეტი 2017 წელთან შედარებით, როდესაც ბრენდის შემოსავალს 5%-იანი ზრდა ჰქონდა. “2019 წლის პირველ თვეებში ყველა მარკეტი მზარდი იყო ჰონგ კონგისა და მაკაოს გარდა, რომლებიც დასჯილი იყვნენ იმ ფაქტის გამო, რომ მდიდარი ჩინელი კლიენტები ნაკლებად მოგზაურობენ ამ ადგილებში.”
