5 – 20 იანვარს ევროპაში მამაკაცის სამოსის მოდის კვირეული გაიმართა. სეზონი: 2019 წლის შემოდგომა/ზამთარი.

ამ სეზონზე ბერლუტიში მორიგი დებიუტი ვიხილეთ. 2018 წელს, ჰაიდერ აკერმანმა, ყველასთვის მოულოდნელად, ბერლუტი დატოვა, მის შემცვლელად კი, კრის ვან აშე დასახელდა. კრისი მამაკაცის მოდაში ნაცნობი და გავლენიანი ფიგურაა. ის 1994 – 1998 წლებში, ანტვერპენის ხელოვნების პრესტიჟულ აკადემიაში სწავლობდა. სწავლა დაასრულა და პარიზში ედი სლიმანის მთავარ ასისტენტად დაიწყო მუშაობა. 2007-2018 წლებში, კრისი დიორის მამაკაცის ხაზს ხელმძღვანელობდა. 2019 წლის 18 იანვარს, ბელგიელი დიზაინერის პირველი კოლექცის ვიხილეთ ბერლუტის შემოქმედებითი ხელმძღვანელის ამპლუაში.

ბერლუტი შემოდგომა/ზამთარი 2019 (პარიზი)

ახალი თაობის ინგლისელ დიზაინერებში, ჯონათანი პირველი იყო, რომელმაც მამაკაცის სამოსი აქტუალური გახადა. ისტორიულად, ბრიტანულ მოდაში, მამაკაცის ბრენდით ძალიან ცოტა ახალგაზრდა იწყებდა მოღვაწეობას. ტრადიციულად, დიზაინერების უმრავლესობა, ჯერ ქმნიდა ქალის სამოსს, ფინანსური სტაბილურობის მოპოვების შემდეგ, ამატებდა მამაკაცის ტანისამოსის მიმართულებას. ანდერსონმა საკუთარი დამოუკიდებელი პროექტი JW Anderson დაიწყო, როგორც მამაკაცის სამოსის ბრენდი.  მოდაში ხშირად აღნიშნავენ, რომ ბოლო დროს, ლონდონში ბევრი ახალბედა კარიერას მამაკაცის ბრენდით იწყებს, რაც ჯონათან ანდერსონის წარმატებას უკავშირდება. დროის საკითხი იყო როდის გადაწყვეტდა ინგლისელი ლუევეში, სადაც შემოქმედებით ხელმძღვანელად უკვე 5 წელია მუშაობს, მამაკაცის შოუს მოწყობას. 2019 წლის 19 იანვარს ლუევეში ჯონათანის მამაკაცის ხაზის პირველი შოუ ვიხილეთ.

ლუევე შემოდგომა/ზამთარი 2019 (პარიზი)

Hedi, Hedi, Hedi, Hedi, Hedi ……..

სეზონის ყველაზე განხილვადი შოუ, სადაც სინამდვილეში განსახილველი არაფერია.

სელინი შემოდგომა/ზამთარი 2019 (პარიზი)


თუ გვქონდა იმედი, რომ ედი სლიმანი შეიძლება საკუთარი კომფორტის ზონიდან გამოვიდეს და სიახლე შემოგვთავაზოს, სელინის 2019 წლის გაზაფხული/ზაფხულის შემდეგ, უნდა მიმხვდარიყავით, რომ ეს არ მოხდება. სელინში მამაკაცის სამოსის პირველი ჩვენება მორიგი განაცხადია ედისგან, რომ ის არ აპირებს არაფრის შექმნას გარდა ედისა.

ჟივანშიში კლერ უაით კელერის დებიუტი ქალის და მამაკაცის კოლექციების გაერთიანებული ჩვენებით ვიხილეთ, თუმცა მალევე კლერმა გადაწყვიტა, რომ კაცის ხაზი კვლავ გამოეყო და დამოუკიდებლად წარედგინა მამაკაცის სამოსის მოდის კვირეულში.

LVMH-ის ტრიუმფი

4 წარმატებული დებიუტი არ ყოფილა ფრანგული კონგლომერატის დასასრული. მამაკაცი მოდელები, როგორც ქანდაკებები მოძრავ პოდიუმზე – კიმ ჯონსმა დიორში თავისი მესამე კოლექცია წარადგინა.

დიორი შემოდგომა/ზამთარი 2019 (პარიზი)

2018 წლის ერთ-ერთი ყველაზე დიდი მოდური სიახლე ვირჯილ აბლოს და ლუი ვიტონს შორის გაფორმებული კონტრაქტი იყო. Off White- ის დამფუძნებელი LVMH-ში პირველი აფრო-ამერიკელი შემოქმედებითი დირექტორია. ხმაურიანი დებიუტის, ცრემლების და ვარსკვლავების ოვაციების შემდეგ, ვიტონში ვირჯილის მეორე შოუ, რა თქმა უნდა, ყურადღების გარეშე არ დარჩენილა.

ლუი ვიტონი შემოდგომა/ზამთარი 2019 (პარიზი)

კელვინ კლაინის აუხდენელი ამერიკული ოცნების შემდეგ, რაფ სიმონსის ახალ ჩვენებას ყველა განსაკუთრებით ელოდა. კელვინ კლაინი და რაფი უნდა ყოფილიყო თანამედროვე მოდის ინდუსტრიაში ბრენდს და დიზაინერს შორის ერთ-ერთი საუკეთესო შერწყმა, მაგრამ ყველაფერი პირიქით მოხდა.

რაფ სიმონსი შემოდგომა/ზამთარი 2019 (პარიზი)

პარიზისგან განსხვავებით, მილანი დებიუტებით გადატვირთული არ ყოფილა. კაპრი ჰოლდინგთან 2 მილიარდიანი გარიგების შემდეგ, დონატელა ვერსაჩემ მამაკაცის კოლექცია პირველად წარადგინა. ჯანი ვერსაჩეს პრინტებით, სპორტული ელემენტებით და ქალი მოდელების სიმრავლით, ვერსაჩეში „კორსაჩე“ ერა ჯერ არ დაწყებულა. ეს იყო ვერსაჩე ისეთი, როგორსაც დონატელამ ბოლო 6-7 სეზონია შეგვაჩვია.

ვერსაჩე შემოდგომა/ზამთარი 2019 (მილანი)



ჩინეთის გარშემო ატეხილი სკანდალიდან 2 თვის თავზე, დომენიკო დოლჩემ და სტეფანო გაბანამ მამაკაცის ახალი კოლექციის ჩვენება გამართეს. ეს იყო თითქმის ნახევარ საათიანი წარმოდგენა ასზე მეტი ლუქით.

დოლჩე&გაბანა შემოდგომა/ზამთარი 2019 (მილანი)



ვეტმანის, ოფ-უაითის, გოშა რუბჩინსკის მაღალ მოდაში შეღწევიდან 5 წლის შემდეგ, მამაკაცის სამოსის მოდის კვირეულს პირველად ეტყობოდა, რომ მოდა მზადაა “ლაქშერის” დაუბრუნდეს და 1000 ევროიანები ჰუდები, კედები გვერდით გადადოს. სეზონის ყველაზე დიდი ხიბლი სწორედ ეს იყო.

ფენდი შემოდგომა/ზამთარი 2019 (მილანი)

ერმენეჯილდო ზენია შემოდგომა/ზამთარი 2019 (მილანი)

პრადა შემოდგომა/ზამთარი 2019 (მილანი)

Kent & Curwen-ს ლონდონში ყველაზე ხმაურიანი პრეზენტაცია ჰქონდა, რაც არ არის გასაკვირი, თუ გავითვალისწინებთ, რომ კომპანიის მფლობელის როლში დეივიდ ბექჰემი გვევლინება. 6 იანვარს, ლონდონის მოდის კვირეულზე, ბექჰემების ოჯახს Dior-ის შემოქმედებითი დირექტორი, კიმ ჯონსიც შეუერთდა.

Kent & Curwen შემოდგომა/ზამთარი 2019 (ლონდონი)

ლონდონის 3 დღიან კვირეულში აღსანიშნავი იყო ქრეიგ გრინის დაბრუნება. გასულ წელს, გრინი ფლორენციაში პიტი უემოს სტუმარი იყო.

ქრეიგ გრინი შემოდგომა/ზამთარი 2019 (ლონდონი)

View this post on Instagram

Autumn Winter 19 – #craiggreen

A post shared by CRAIG GREEN (@craig__green) on