კვირეულებიმოდელებისაქართველო

ტოპ 3 ქართველი მოდელი 2019 წლის შემოდგომა/ზამთრის სეზონზე

Tatia Akhalaia for D&G F/W 2019 - Milan / Vogue.com

საქართველოს პირველი ტოპ მოდელის სტატუსი კვლავ ვაკანტურია,თუმცა ქართველი გოგონები მუშაობენ მოდის საერთაშორისო ბიზნესში და 2019 წლის შემოდგომა/ზამთარი ამის ნათელი მაგალითია.
თავის კარიერაში ყველაზე მნიშვნელოვანი სეზონი ჰქონდა ლიკა რიგვავას. ქართული მოდის კვირეულების ფავორიტი გოგონა ევროპული ბრენდების პოდიუმზეც გამოჩნდა. გასულ თვეში ლიკას პორტფოლიოს 4 მნიშვნელოვანი ბრენდი შეემატა: Jil Sander, Marine Serre, Lemaire, Y/Project. საქართველოში ლიკა სააგენტო Look Modéls Managemént – ის მოდელია.

Vogue.com

ლუქმოდელსის კიდევ ერთი სახე,მარიშა ურუშაძე მონაწილეობდა მილანის და პარიზის მოდის კვირეულებში. იმ ბრენდების ჩამონათვალი, რომელთა ჩვენებაზეც ქართველი მოდელი ვიხილეთ: Victoria Tomas , Ermanno Scervino, Moncler, Mugler.

Vogue.com

ქართველი გოგონებიდან ყველაზე ცნობილი ბრენდის პოდიუმზე მოხვედრა თათია ახალაიამ შეძლო. თათია მილანში დოლჩე&გაბანას შოუში დამტკიცდა. ეს არ ყოფილა ქართველ მოდელს და იტალიურ მოდის სახლს შორის პირველი თანამშრომლობა. ახალაია დოლჩე&გაბანას ალტა კოლექციების წარდგენაში იღებდა მონაწილეობას. თათიას გადაღებული ფოტოები იტალიური მოდის გიგანტის ოფიციალურ ინსტაგრამზეც აღმოჩნდა.

თათიას დედა სააგენტო არის IC Model Management. ახალაია ქართული ელიტ მოდელ ლუქის გამარჯვებულიც გახლავთ.

Vogue.com